2020，是傷痛的一年。
疫情，社會都是負面的；家庭工作都直接受到影響；久不久知道身邊有朋友健康出現問題；到最後一個月，連一位摰愛的親人都離開了。。。
2021年，究竟是 The Best is Yet to Come，定係 The Worst is Yet to Come， 大家都唔知道。 好多事情，我哋可以改變的可能只有很少，甚至唔到我哋話事，嗰種無力感每天壓下來，真的會令人慢慢抑鬱而不自覺。
咁我哋可以做啲咩呢？
我哋可以選擇。
以前舊老闆常說，快樂是一種選擇。你想快樂定唔開心？ 你想健康定生病？ 你想心靈滿足還是空虛寂寞？ 縱使大氣候不似預期，呢一點一點還是可以選擇的。
今年，我開始咗每天跑步，起初係為咗減肥，之後變成習慣，就好享受跑步帶來的益處：
我有1小時獨處的MeTime
早上空氣好，大啖大啖吸氧氣之後一整天都好精神
皮膚好咗，面色紅潤咗
快樂荷爾蒙安多酚分泌多咗，情緒好啲
一次小感冒都沒有
所以，做運動，一定唔止剩得減肥一個意義。
又，因為長期要看電腦，最近覺得視力退步。馬上驗眼，知道要配眼鏡， 毫不猶豫馬上配，戴上眼鏡看清楚電腦字那刻，真係開心笑出來。
自己工作關係，見過太多人好多年無做身體檢查，無病無痛又唔算年紀大，覺得應該無咩事。 點知驗完先知身體有啲好嚴重嘅問題，嗰種 「點解會咁咖」 同 「咁點算啊」 的表情，每次見完，都會唔開心一個下午。
2021年，嗰啲 「大家加油」，「明天會更好」，真係說不出口。想同大家說的唯一一句話，亦是我今年常常腦海出現的。。。
「祝大家在亂流下平安，健康」
#2020終於完結了
#好似喺水入面閉氣咗一年咁
#除了會痛一切都美好
#呢個時勢大家要鬥長命鬥健康
#營養師 #Nutritionist #AnnieLee
Search